Stólarnir SKATA (1959) og HAMAR (1961), sem eru hannaðir af Halldóri Hjálmarssyni húsgagnaarkitekt, eiga það sameiginlegt að vera fyrstu íslensku stólarnir úr formbeygðum krossviði.
Framleiðsla þeirra hófst einungis örfáum árum eftir að fyrsti Maurinn eftir Arne Jacobsen leit dagsins ljós, og eru þeir því meðal allra fyrstu húsgagna sem sóttu sér innblástur í þessa byltingarkenndu hönnun, sem upphaflega má rekja til tilrauna hjónanna Ray og Charles Eames með formbeygð húsgögn.
Endanlegt form SKÖTU og HAMARS má síðan rekja til frekari þróunar á þessari nýstárlegu aðferð, en hið mittislaga bak gerði þá mun sterkari en fyrirmyndirnar, án þess að minnka sveigjanleikann. Samsetning var einnig einfölduð, en til þess voru þróaðar egglaga gúmmífestingar sem minna á egg skötunnar sem hún verpir í s.k. Péturshús. Þessi nýja tegund festinga hefur einnig þann kost að dempa öll hljóð, sem síðan gerir stólana einstaklega hljóðláta, þegar þeim er staflað eða þeim ýtt til og frá.
Í anda þess tíma, þá var innblásturinn einnig sóttur í náttúruna, en fyrir utan að vísa í íslenska þýðingu á nafn "Ray" Eames, þá dregur hin kvenlega SKATA nafn sitt af samnefndum fiski á meðan hinn karlmannlegi HAMAR dregur nafn sitt frá hamarshákarlinn og vísar þannig í stólinn „Hammerhead“ eftir Arne Jacobsen.
HAMAR fékk síðan viðurnefnið ÞÓRSHAMAR, enda líkindi með honum og þessu forna norræna tákni.
SKATA og HAMAR mynda síðan gott samspil karl- og kvenlegra forma, sem saman geta og skapað skemmtilegt og lifandi umhverfi, þar sem andstæður mynda samhljóm.
Báðir stólarnir eru staflanlegir auk þess að vera léttir og fyrirferðarlitlir, sem gerir þá að góðum valkosti þar sem pláss er lítið.
Framleiðsla þeirra hófst að nýju árið 2008 og ruddi þannig brautina fyrir endurframleiðslu á öðrum sígildum íslenskum húsgögnum, en flest eiga þau það sameiginlegt að eiga sér sterkar rætur í danskri samtímahönnun þess tíma sem oft er kallaður "gullöld" danskrar hönnunar, en flestir innlendir húsgagnahönnuðir þess tíma voru menntaðir í Danmörku
Að neðan sést yfirlit yfir sum önnur húsgagna Halldórs Hjálmarssonar, en undirbúningur er hafinn á endurframleiðslu hluta þeirra.
HALLDÓR HJÁLMARSSON (1927-2010)
Hönnuður SKÖTU og HAMARS er Halldór Hjálmarsson húsgagna- og innanhússarkitekt, (1927-2010),
Halldór lærði húsgagnasmíði hjá föður sínum og síðar húsgagnaarkitektúr í Kaupmannahöfn, þar sem hann nam hjá meisturum eins og Hans J. Wegner og Poul Kjærholm.
Að námi loknu hóf eigin framleiðslu, samhliða því að hanna ýmis önnur húsgögn og innréttingar en þekktust annarra verka hans eru kaffihúsið Mokka.
TUBES AND ROPE 1956
Verðlaunað lokaverkefni Halldórs úr Listiðnaðarskólanum. Innblásið af verkum Poul Kjærholm.
"VEFSTÓLLINN" 1958
Innblásið af PK 25 eftir Poul Kjærholm með því markmiði að einfalda hönnunina. Var í framleiðslu frá 1958-1961.
SKATA 1959
Innblásin af Maurnum, eftir Arne Jacobsen en með bættum styrk og einfaldari samsetningu.
WOOD AND CANE 1959
Innblásið af Shaker stólum og verkum leiðbeinanda síns, Ejner Larsen. Var í framleiðslu frá 1959 þar til um miðjan sjöunda áratugarins.
BEKKUR 1960
Framleiddur í örfáum eintökum á árunum 1961-1962.
CHAISE LOUNGE 1961
Prótótýpa - Stál, reipi og lambaskinn.
LOUNGE CHAIR 1961-1962
Hannaður fyrir innviði iðnaðarbankans í Reykjavík.
DINING CHAIR 1961
Þróun á fyrri hönnun Halldórs. Viðarrammi og leður. Framleiddir hjá trésmiðjunni Víði.
Hér má sjá samtímamenn Halldórs og félaga í nýstofnuðu Félagi íslenskra húsgagna- og innanhússarkitekta (FÍHA), hver á sínum stól.
1. Halldór Hjálmarsson
2. Helgi Hallgrímsson
3. Gunnar Theodorsson
4. Gunnar Guðmundsson
5. Þorkell Guðmundsson
6. Árni Jónsson
7. Kjartan Á. Kjartansson
8. Hjalti G. Kristjánsson
Sýning húsgagnaarkitekta 1961